Illolin ɓata lokaci a kafafen sada zumunta da Ramadan
Ramadana, wata ne mai alfarma da ba a bai wa wasu al'umma ta baya irinsa ba, sai al'ummar Annabi Muhammad.
Cikin wannan wata akan ruɓanya ayyukan alkhairi zuwa wani adadi da Allah ne kawai ya bar wa kansa sani.
Kowanne minti ɗaya cikinsa lokaci ne mai matuƙar tsada da ba a sake samun irinsa, sai wata shekarar ga mai tsawon rai.
Malamai da dama na yawan jan hankali wajen ganin mutane sun ribaci wannan dama da Ubangiji ke ba su.
Sai dai, duk da wannan ɗumbin fa'idoji da alhairai, ana samun yanayin da kafofin sada zumunta ke ci gaba da ɗauke hankulan masu ibadar azumi, maimakon amfani da wannan dama wajen ruɓanya ayyuka nagari.
A wannan karo, BBC ta yi nazari kan yadda mutane ke ɓata lokaci a kafofin sada zumunta, kuma ko hakan yana da illa?
Mun tattauna da Malam Muntasir Umar Mai Fenta, wanda ya ce ba ƙaramar asara ɗayanmu ke yi ba, na ƙarar da lokutansa kan harkokin shiririta a kafofin sada zumunta.
"A duk kafofin sada zumuntar da muke da su babu wanda kuke da ikon abin da za ku gani a cikinsa, kama daga TikTok da Facebook da Instagram har ma da WhatsApp, za ku iya cin karo da bidiyo ko hoton da ba ku shirya gani ba.
Irin hotuna ko rubutun da za su iya zama illa ga lafiyar azuminku," in ji Malam Muntasir.
Abu ne sananne ga duk masu shiga kafofin sada zumunta, bidiyo ko hoton tsaraici zai iya faɗo muku kwatsam, wanda haramun ne ganin hakan a waje da kuma cikin azumi, kamar yadda malam ya ƙara da cewa.
Mafi munin abubuwan nan shi ne TikTok, ku je kuna kallon tsaraicin mata, ko muharramanku ba a son ku ga tsaraicinsu balle wasu da ba ku sani ba, kwata-kwata nisantar kafofin sada zumuntar ya fi amfani.
A cewar Malam, Ƙur'ani ya yi bayani a bayyane cewa "Ganinku da saurarenku duka abubuwa ne da za a tambaye ku a kansu".
Abin da aka fi so mutum ya shagalta da su, su ne: karatun ƙur'ani da zikiri da istigfari, a tsawon kwana 29 zuwa 30, waɗanda kamar yanzu ne za su ƙare.
In ba ku ribaci watan ba, kun yi ayyukan ibada, wataƙila ku ƙare da samun zunubi mai yawa na kallon abubuwan da ba su dace ba.
Bayan nan, abin da muke wallafawa su kansu akwai ayar tambaya, saboda da yawanmu mun iya cin mutunci ko izgilanci ko kalaman da za su tunzura mutane, wani lokacin har ƙarya ma mukan wallafa.
Duka waɗannan abubuwa saɓo ne, dole mutum ya kiyaye.
Daga BBC Hausa.
Illolin ɓata lokaci a kafafen sada zumunta da Ramadan
Ramadana, wata ne mai alfarma da ba a bai wa wasu al'umma ta baya irinsa ba, sai al'ummar Annabi Muhammad.
Cikin wannan wata akan ruɓanya ayyukan alkhairi zuwa wani adadi da Allah ne kawai ya bar wa kansa sani.
Kowanne minti ɗaya cikinsa lokaci ne mai matuƙar tsada da ba a sake samun irinsa, sai wata shekarar ga mai tsawon rai.
Malamai da dama na yawan jan hankali wajen ganin mutane sun ribaci wannan dama da Ubangiji ke ba su.
Sai dai, duk da wannan ɗumbin fa'idoji da alhairai, ana samun yanayin da kafofin sada zumunta ke ci gaba da ɗauke hankulan masu ibadar azumi, maimakon amfani da wannan dama wajen ruɓanya ayyuka nagari.
A wannan karo, BBC ta yi nazari kan yadda mutane ke ɓata lokaci a kafofin sada zumunta, kuma ko hakan yana da illa?
Mun tattauna da Malam Muntasir Umar Mai Fenta, wanda ya ce ba ƙaramar asara ɗayanmu ke yi ba, na ƙarar da lokutansa kan harkokin shiririta a kafofin sada zumunta.
"A duk kafofin sada zumuntar da muke da su babu wanda kuke da ikon abin da za ku gani a cikinsa, kama daga TikTok da Facebook da Instagram har ma da WhatsApp, za ku iya cin karo da bidiyo ko hoton da ba ku shirya gani ba.
Irin hotuna ko rubutun da za su iya zama illa ga lafiyar azuminku," in ji Malam Muntasir.
Abu ne sananne ga duk masu shiga kafofin sada zumunta, bidiyo ko hoton tsaraici zai iya faɗo muku kwatsam, wanda haramun ne ganin hakan a waje da kuma cikin azumi, kamar yadda malam ya ƙara da cewa.
Mafi munin abubuwan nan shi ne TikTok, ku je kuna kallon tsaraicin mata, ko muharramanku ba a son ku ga tsaraicinsu balle wasu da ba ku sani ba, kwata-kwata nisantar kafofin sada zumuntar ya fi amfani.
A cewar Malam, Ƙur'ani ya yi bayani a bayyane cewa "Ganinku da saurarenku duka abubuwa ne da za a tambaye ku a kansu".
Abin da aka fi so mutum ya shagalta da su, su ne: karatun ƙur'ani da zikiri da istigfari, a tsawon kwana 29 zuwa 30, waɗanda kamar yanzu ne za su ƙare.
In ba ku ribaci watan ba, kun yi ayyukan ibada, wataƙila ku ƙare da samun zunubi mai yawa na kallon abubuwan da ba su dace ba.
Bayan nan, abin da muke wallafawa su kansu akwai ayar tambaya, saboda da yawanmu mun iya cin mutunci ko izgilanci ko kalaman da za su tunzura mutane, wani lokacin har ƙarya ma mukan wallafa.
Duka waɗannan abubuwa saɓo ne, dole mutum ya kiyaye.
Daga BBC Hausa.
Chinese
English
Arabic
French
Spanish
Portuguese
Deutsch
Turkish
Italiano
Russian
Romanian
Portuguese (Brazil)
Greek